شايل البسمه اللى جايه
مش عشانك ...لأ ... عشانى
لاجل ماضحك بيها ... تانى
رغم انى مش منافق ....
لكن هوافق ...
عشان الناس اللى زيك
وهرسم الضحكه اللى زايفه
وتضحك الاحلام فى ليلها
وهرسم البسمه فى عيونها
رغم ان الكدب ... خايب
زى ماتقولى... سراب
ورغم ان الشمس غابت
عن عيونك....
مبقاش غير العيون ...
الدبلانين فى الجفون
وانتى تانى بتضحكى ...!!!
وقت الرحيل ..
اسمعينى .... اسمعينى
ياللى كنتى فى ليلى قمرى
مش هنهزم قدامك انتى
فيه سنين جيالى تانى
بضحكه زايفه ... من عيونى
لجل اكون كداب كمان زى غيرى
هبتدى اعزف كمان ...
لحن زايف زيك انتى ...
بضحكه زايفه ...
منك انتى ....
واضحك عليكى ...
وارسم انى نسيتك ...
بس جوايا .... حنين
لما كنتى بترسمى ....
بالوجه الجميل ...
والضحكه اللى زايفه فى عيونك
انتى اللى كنتى بتخسرى
وانتى اللى كنتى بتحلمى
وانتى اللى كنتى ..
بتكتبى السطر الاخير ...
وانتى اللى كنتى مستنيه ..
غلطه منى ... لترحلى
كنتى نسمه صيف مزيف
فى ربيعى ...
كنتى شمس بهتانه فى عيونى
كنت احسك ... مش راح انكر
كنتى فى يوم بسمتى ...
لكن حقيقى ...
كنت خايف ...
وقت مايطول الكلام ...
فى سهره حلوه تلمنا
كنت عارف انك انتى
شايله حاجه مخبياها جوه كلمه
لكن ماكنتش فاكر ...فى يوم
ان الغدر ... طبعك...!!!
بس رغم حزنى اللى فيا
منك انتى ...
بادعى ربى يراضيكى ..!!
وتجربى حزنى اللى ساكن ..
جوايا منك ...
والمحه صوره فى عينيكى
زى غيرى ... راح ازيف
وانهى ليلى ... ليكون نهارى
زى غيرى....
عطا الاسيوطى
ليست هناك تعليقات:
إرسال تعليق