شئ جوايا حسك ...

أقولك شئ جوايا متخبى

دايما يحسك شئ جميل جوايا

بيزيح ضلمة ليلى وغمايا

تهلى زى القمر ...

ليلة البدر فى سمايا

يا ام العيون السود ايه تقولى

لما بتسمعى ندا قلبى عليكى

اسمك انتى يهز القلب وهوايا
ويتهز ليه الجسد فى غنايا
عايز اسمعها منك كلمه ودى حكايه
هى كلمه زى شربة ميه ...

يوم عطشى وضلايه

تحمينى من شمسة صيف ...

ياوجعى من طول الانتظار

عايز اسمعها منك ... يادنيايا

قوليها مره ...

وخلى الصمت جوايا ...

مش هقول للخلق شئ..

انا بس هقولها فى غنايا

ياسعدى لما تشوفك عينى وياهنايا

تتجمع حروف اسمك فرح لقلبى وندايا

واقول موال يحكيكى كمان مليون حكايه

ولا عنتر ولاقيس

ولا كمان ليلى ولا عبله

دانا العاشق سابق الكل بغنايا

ودى محبوبتى انا ....

بكل .... ايمــــــــــان .... ويايا

عطا الاسيوطى

قابلتك من زمان .....

صورتك برسمها جوايا
كقمره فى ليلى وسمايا
يابسمه بشوفها فى مرايا
عيونك ساكنه فى السما العاليا
ومن رنين صوتك رسمتك
ومن همس كلامك انا عشقتك
وبكل حنيه لقيتنى نن لعيونك
تصدقينى لوقلتلك ....
انا من زمان قابلتك ...
ورسمتك صوره فى عينيه  ..
سيرتك عايشه جوايا
وبقولها فى موالى وغنايا
قابلتك فى الطريق ماشيه
بتدلع خطوتك راسيه
على الجبين بالحب مكتوبه
وبضوء القمر ملفوفه
ونور الشمس ضحكتك موصوفه
يانسمة صيف ... ساكنه فى قلبى وندايا
يصاحب ليلى قنديلى ... وانا سهران
بناجيكى واقول فى كلام
يخلينى اعيش احلام ...
مش بقولك عرفتك من زمان
رسمتك فى السما الصافيه
تردى عليا وتقولى انا كلى
ايمان .......