ياترى ياما ....

ياترى ياما

ياترى ياما لسه بتدعيلى

لسه بتدعيلى وانتى فى 

حضن الارض

انا فاكر نبرة صوتك

وانتى بتدعى 

وانتى فى عز المرض

القاتل

بس انا عايز اعرف

ياترى لسه بتدعيلى

عارفه ياما 

لسه دعاكى ساكن 

فيا بعد رحيلك

حاسس بيه 

بيطمنى من غدر

الدنيا 

عارفه ياما 

بضحك كا مااعيش 

وياكى اللحظه

وانتى بتدعيلى

كنتى بسيطه 

مش بتكلفى نفسك

بحروف دعاكى

فاكر ياما 

روح ياولدى ربنا

يحبب فيك خلقه

ورحت ورحتى 

وباقى دعاكى بيسكن 

فيا ...

نفس دعاكى بقوله

لبنتى وابنى 

وبيحبوه زى تمام

بنفس اللهجه 

ونفس الاحساس بيحسوه

بس انا بسأل 

لسه سؤالى مش 

لاقى جواب 

ياترى لسه 

بتدعيلى 

عطا الاسيوطى

2012

اســــــــألينى ....؟

اســـــــــــــألينى .....



اسألينى ...

والجواب هتلاقيه

جوه عيونى ...

لو سألتى ...

انى بحبك ...!!!

الجواب ....

نظره سارحه

م العيون ...

والاجابه بالسكات

صمت وحنين

ولا مليون كلام

وان جاوبت ...

بصوت مسموع

حرفى يشرح

حروف هجاء

ب

ح

ب

ك

أقول كمان

عطا الاسيوطى

اغسطس2012

صـــــــــــــرخة غريـــــــــــــب

لما تشوف الدنيا 

ضلمه 

وشعاع من نور

بسيط

جاى من بعيد 

واخد بأيدك للامل

تفرح ساعات

ووقت فرحك 

بالامل

يهرب شعاع النور 

ويضيع معاه

الامل

تانى بعييييييد

لما تسمع كلمه 

تجرحك

تموت ضحكه

وسط فرحك

والغريب ...!!!

انك تلاقى ...

اللى كان بيقول 

بحبك ...!!!

صاحب قرار

موت ضحكتك

يبقى السكات

افضل طريق

وانت بتشوف

اللى كان حبيب

بيروح بعييييد

ويقتل ضحكتك

بالكلام ...

أأأأأأأه

ساعات اشوف

الفرحه فى عيون

الغريب 

بس الغريب ..!!

انى بخاف 

وارحل بعيد

وامشى وحيد

بلقى نفسى 

بالسكات ...

اخرص ساعات 

والدمعه تنزل 

تجرح من ويل 

العذاب

يارب ... يارب

أأقولها 

تصحك دمعتى 

والفرح يسكن 

آنتى ...

وتموت جوه منى

صرخة غريب 

ماشى وحيد

لما تشوف الدنيا

ضلمه ...

اكيد جاى شعاع

النور تانى اكيد

عطا الاسيوطى

يونيه 2012

ليـــــكى ......وليــــــــا

هافضل احلم

بيكى لبكره

مهما الليل

طول ف ساعاته

هايجى الصبح

يدق انا بابى

وشمسه هاتشرق

بكره اكيد

وترجع تانى

الضحكه تنور

ويادموع الفرحه

معاها

هافضل احلم

بيكى لبكره

ومهما ان قالو

عليا انا بحلم

ودى اوهام

هافضل احلم

ليكى وليا

عطا الاسيوطى

يونيو 2012

مقدرش ..... الزمــــــــــــــــــــان

ولسه بتحضن

فيا .... بشوق

وتبارك طفلى

الساكن جوه

وريدها ....

ولسه بترسم

ضحكه بريئه

جوه عيونها

مقدرش قدرنا

يستنى شـــويه

يستنى شويه

ميعاد الحب 

ولسه بتبكى 

عند لقانا

ووقت وداعنا 

وانا ماسك 

ايدها.....

 وياضحكتها

ولسه بغنى

للحب ... معاها

وبحضن فيا

عبيرها ...

بكل اشواقنا

ولسه بتحضن 

فيا بشوق 

وتبارك طفلى 

الساكن جوه 

وريده ....

عطا الاسيوطى

يونيو 2012 

احلى .....كدبه

احلى ... كدبه

كنتى فاكره

انك انتى بتخدعينى

لما كان تجمعنا

سهره

وتقوليلى

أأأأأه ... بحبك

كنت حاسس...

بكل كلمه ... من كلامك

كل نظره ... من عيونك

كل لمسة ايد ...

برعشه ... جوه صمتك

كنت عايز ...اقولك

وقتها ,,,

مش مكانك ...!!!

أيوه ... مش مكانك

جوه ...قلبى

حب غالى من زمان

قبل ماتيجى ...بزمان

كنت عايز ...اعيش

فى كدبه ... ويا قلبك

واصدقك ...!!

وحروف كلامك ...

كنت عارف

ان حياتك ...بالعواطف

هى .... كدبه

بتعيشيها ... وتصدقيها

لكن ...أقولك

عشت وياكى ...عشان

تصدقى ... انك اميره

وكل شخصيه ...تعيشيها

هى كدبه ...!!

مره ... تبكى

مره ... تضحك

كلمتك فى الاصل

كدبه ...

كنتى شايفه ان شئ

من جمالك ...

ويا كلمه من شفايفك

بابتسامه ...

تشبك قلوب بالالف

ياما ...

أأأأأأأه ....يالزمان

تصدقينى ... لو قلتلك

انك انتى ... احلى كدبه

عشتها ...وقابلتها

بس اقولك ...

ان قلبى ... مش معاكى

وان ... انا ...معرفشى

اكدب ... زيك انتى

كنتى فاكره ...

انك انتى بتخدينى

تخسرى ... تخسرى

يا ...احلى كدبه

عطا الاسيوطى

6-2012

من اجل .... حبك

من اجل ...حبك

من اجل حبك

جعلت من الشعر

معطفى ...

وجعلت كل المدن ...

بلادى ...

واشعلت الحرائق ...

فى قلوب ... العاشقين

ليحترقوا .... مثلى

كل هذا من اجل ....

حبك ... انتى

ياسيدتى .....

 

عطا الاسيوطى

مايو 2012

الســــــــــــــــــكات ....

الســـــــــــــــكات

حاسس

ان صوتى ... مات

من كــــــــــــتر

ما بنده عليــــــــــكى

فى السكات

لحظة .... شروق

جوه منى .... بتتولد

راسمه .... ضـــــوء

للشمس

جاى من بعيـــــــــد

لحظة .... شرود

جوه منى ....

وانتظـــار مالى

المكان ....

فاتح انا كل البيبان

فارد ....

دراعى فى الهوا

يمكن .... أبان

حاسس ان صوتى

مات

من كتر ....

ما بنده عليكى

فى الســـــــــكات

عطا الاسيوطى

مايو 2012

حساب السنين ....للشاعر عرفه محمد

°•° حساب السنين °•°

شفت كيف دارت يابوي

بينا السنين

شفت كيف رسمت ملامح

كرمشة وش الحزين

لما عضم الجته يحني

والخطاوي تبقى صعبه

والقدم شايل أنين

وأما تسأل

هي سكة بكره غاربه

ولا رايحه بينا فين

لسه فاكر

من زماااان

لما كنا صغيرين

لما كنا

ويا نور الشمس نصحى

وتلاقينا ف السواقي شبطانين

ولما عود الزرع يرقص

بتلاقينا فرحانين

كنا مش حاسين بدنيا

ولا فارقه

إن شمال أو يمين

كان منانا بسرعه نكبر

والشنب يملى وشوشنا

يرسم الشكل الرزين

كنا فاكرين إن بكره جاي أحلى

وإن بكره

شمسه مش هتغيب سنين

هل بكره

بس يا خساره جرحنا

ساب علامه ف الجبين

شعر أبيض

وش شاحب

نظره تاهت ف العينين

حزن علم فينا ياما

ودمعه جريت

ع الخدود الدبلانين

غربه سكنت بين ضلوعنا

وتوهه مش عارفين طريقها لحد فين

شفت كيف جريت يابوي بينا السنين

بقلم الشاعر .....عرفه محمد

عديت .... حدود الحب

عديت حدود .... الحب

قلبى اللى حبك

قدام عيون ... كل الولاد

حالف يضمك

حالف يلف كل البلد

ويزفك ....ويقول

بصوت عالى ...

بحبك ...!!!

يام القليب ....ناصح بياض

يام العيون .... النعسانين

ياللى بضحكتك ...

عديت ...حدود الحب

واتجنيت ...

قلبى اللى حبك...

ياغاليه ....

سلم هواه ,,,,وانا غنيت

كل الغناوى ...ولفيت

قلبى اللى .... حبك

قدام عيون

كل البلد

حالف يضمك

للبيت

عطا الاسيوطى

مايو 2012

ضحكه .....لذيذه

ضحكه لذيذه

هأ هأ هأ

اول ما اكتب عنك

ضحكه ....هأهأ

وضحكه لذيذه

أيوه انا بضحك

هأهأهأ

يابنت الايه

فاكره نفسك ...ايه

مارلين مونرو

أما عبيطه...هأهأ

كل الناس دى ....

بتضحكى ليهم ...

زى ماقلت ...عليكى

امبارح...انك حيه

حاطه .... الشاعر

ويا البيه....ويا الظابط

والواد ابو جنيه ...!!

هأهأهأ

أما عبيطه

يابنت الايه ....

الست مش ضحكه

لبيه ....

عارفه الست ...

اناعندى ايه ...

ورده جميله

والوانها كتيره

وكل الوانها

بتكتب ... سيره

حسب اللون

اديكى مثال ....

الورده البيضه

صافيه جميله

والورده الصفرا

كلها غيره ...

واه ... من الحمرا

يابنت الايه ....

شعلة حب ...

انما ايه

أه ياعبيطه ...
فاكره انك بتلعبى

سيجا ....هأهأهأ

أما عبيطه

لفى ودورى

واكتبى فى سجل

التليفون ...

اسماء وارقام

هأهأهأ

فاكره نفسك

السفيره عزيزه

أه ...ولذيذه

اوعى تقولى ...

انك حبيتى ... وكمان مقبوله

أه .... مجنونه

هو قلبك ...

شقه مفروشه

يسكن فيها كل الناس

أما عبيطه

يابنت الايه ...

هأهأهأ

عطا الاسيوطى

مايو 2012

كانت ....غلطتى

كانت غلطتى

كانت غلطتى ...

لما فتحت الباب لجنابك

وقلت بحبك ...

وغلطتك ....

انك صدقتى ....

لما انا قلت ...

انك عمرى ...وكل حياتى

وانتى الدنيا ...

يا اغلى ماليا ...

وقتها بس .....اتاكدت

انك ....حيه

تتغيرى ,,, لون كل شويه

وان نعومة ....همسك

هى سلاحك

وان البسمه ....وقت ما اشوفك

هو السم بيجرى ...

فى دمك

كانت ....غلطتك

انك صدقتى كلامى

وان النظره ....جوه عيونك

كانت راسمه ....

احلام وهميه

كانت غلطتى ...

انى مقدرتش ...اوضحلك

انك بطله ...لقصيده

جديده ...

جوه ديوانى ...

وبالالوان ...انا برسم

صورتك ...

وان كلامى معاكى

ابيات لقصيدتى

كانت غلطتى ...

انى مقدرتش اوضحلك

انك كنتى من كلماتى

برتبها ....وانهى قصيدتى

كانت غلطتى .....!!!

 

عطا الاسيوطى

مايو 2012

طلى ياما

طلى ياما .... عالمداين
اسمعى صوت الاذان
اسمعى اجراس ..كنايس
قامت تنادى ....
بالسلام ....
طلى ياما ....
وذغردى .... وغنى كمان
السلام صبحه ينادى
بالامان ....
ويا حمام البر ... طاير
حامل بشاير ...
طلى ياما ...انتى
وخالتى ....بهانه
دى الاهانه ....
راحت خلاص
مبقاش ...عالكراسى
شخص غادر ...
ولا فاجر ....
افرحى ...يام ...اسمعين
ياللى كان قلبك ...كبير
تفرحى وقت ...اما نحزن
وتقوليلنا ....ربى كريم
جاى النهار ...
طلى ياما ...
عالمداين ....اسمعى
صوت ...الاذان
اسمعى صوت الكنايس
قامت تنادى ....بالسلام
افرحى وغنى ...ياما
انتى ... وخالتى امال

عطا الاسيوطى 2-5-2012

مسافر بعيد ....!!!

مسافر بعيد

وتاخد فرحة

طفل بعيد

بدخل بابك

بقلب صورك

بنبش جوه

حروف كلمات

يمكن المح

نظره بفرحه

او حتى كلمه

من كلماتك

جوه الحيطه

طالع صوتك

بينادى عليا

اجرى عليه

اخبط فيها

وقتها ...بس

حسيت بالامى

بين احزانى

بتصرخ اه

بس بصوت

جوانى ....

وياخدنى حنانى

باخد نفسى

من جوه ضلوعى

شايل ريحة

حبك ....ليا

ياواخد عمرى

معاك ...وياك

مشوارى طويل

وانا باستناك

والديك بيدن

لصلاة الفجر

وفجر العمر بيرحل

وياه ...

طلوع الشمس

لساك مسافر

بعيييييييييد

وواخد منى فرحة عيد

مكتوبلى اعيش

وياك فى بعادك

بحاول انام

يمكن احلم

القانى معاك

يامسافر بعيد

ليه ...؟

سايبنى

اعيش وياك

وانتى بعيد

يامسافر ....!!!

عطا الاسيوطى

10-4-2012



عايشين ....

عايشين

عايشين فى الدنيا

لوحدينا

والحب مابينا

يدفينا

عايشين

اشواقنا وافراحنا

عايشين

بنغنى ف اغانينا

ويانا الحب

وفاتحين بابنا

اهلا ... اهلا

كل احبابنا

بياخدنا الشوق

ويخلينا ...

بكل الاحلام

بيعيش فينا

ولا يوم ..

بصينا لعزالنا

والكلمه

ماتقدر تعادينا

وان جه يوم

عدى عزولنا

بالفرح نرد

واغانينا ...

عطا الاسيوطى

27-3-2012

اخر .... حدودك

اخر ... حدودك

اخر حدودك

انا قلبى هناك

بيستناك

ويا حروفك

بستنى لقاك

بحنين الشوق

راسم فرحه

وحدوده معاك

زارع اشجار

ويا الازهار

يرويه حبك

انهار ... انهار

بضحك ...ضحكه

تملا الدنيا

اخر حدودك

انا قلبى ...هناك

بيستناك

عطا الاسيوطى

24-3-2012

قلب .... انانى

قلب ... انانى

مش ح تلاقى

قلبى انا تانى

وانت خلاص

نستنى حنانى

ابعد ...

انسى ...

انك يوم ...

كنت بتهوانى

جرب ... حب

تانى وعيش

واوعى ف يوم

تفكر فى حنانى

عيش ايامك

انسى ايامى

جرب ...اعرف

حب جديد ...!!

افتح قلبك

انسى زمانى

اوعى فى يوم

ترجع احضانى

روح ... انسانى

مش هنسالك

قسوة قلبك

دمع عينيا

هنت ... عليك

وماهنت عليا

كنت بحسك

فرحة عيد

قلبك ... انت

قلب عنيد

كل ده ليه

علشان حبيتك

انسى حبيبى

انسى كمان

ايامى معاك

جرب ....

ابعد ....

تانى ... بعيد

بس اقولك

اوعى ف يوم

ترجعلى وحيد

اوعى تفكر ...

فين احضانى ...

قلبى خلاص ...

جرب احزانى

اصل عذابه

معاك ....خلاه

رافض تانى

يفتح ... بابى

جرب ...

ابعد ...

مش هتلاقى

قلبى انا تانى

قلبك قاسى ...

قلب ... انانى

عطا الاسيوطى

22-3-2012

ضحكه ....بغش ..!!!

ضحكه .... بغش

بيطلبوا منى ...

احب ... بقلبى

بس بهدوء ...وياهم

وبدون خوف ...

منى عليهم ...!!

واكتم جوايا

صراخى وخوفى

حتى عليهم

وآهدى الشوق

اللى فى قلبى

واقول الأه ...

جوا فى قلبى

وده من خوفى

ولا ابينش ....!!

لهفتى ليهم ...

واحاول اكون

جبار ... وياهم

وانا جوايا ...

وبكل صراحه

بدارى عليهم

الحزن انهار

هو طلبهم ...!!

كده ويايا

حاضر .... حاضر

هبكى وادارى

حزن القلب

وبره الوش

هرسم ... ضحكه

كلها ... غش

مش ده طلبهم

انى اكون وياهم

هادى ...!!

حاضر  ... حاضر

مش راح ابين

حبى انا ليهم

وخوفى عليهم

واكتم حزنى

وافرح ليهم

واضحك ... ضحكه

غش فى غش

واعيش افراحهم

وجوه القلب

مريض ... بيموت

ومش راح ... اسأل

حتى عليهم ...!!

ومش هناديهم

لما احتاجهم

وقت القلب

ماينغز ... فيا

هغصب نفسى

علشان ارضيهم

واضحك ... ضحكه

تملا الوش

كلها حيره

وغش فى غش

وجوه القلب

هدارى احزانى

ودمعة عينى

هتنزل بسمه

مش من الفرحه

دى هى الحسره

على حبى

انا ليهم ..!!

ده جوه القلب

الحزن انهار

حسره كبيره

وقلب بينهار

بس هدارى

كل ده فيا

علشان ارضيهم

هو طلبهم...!!

مش راح افرض

حبى عليهم

وادعى واقول

الله يرضيهم

هما الحب ...!!

وهما الحزن ...!!

وكل البسمه الجايه

دى ليهم ...

قلبى هيدعى

الله يخليهم

حاضر ...حاضر

هعمل كل اللى

بيرضيهم ...!!!

اهداء الى ....!!!

عطا الاسيوطى

21-3-2012

قسوة قلبك ...

اشطبى

من دفتر احوالك....
اسمى .....
تاريخ ميلادى ...
اجمل كلماتى  ...
وماتنسيش ....
تشطبى عنوانى ...
حطى مكانهم ...
قسوة قلبك ...!
غدر فى طبعك ...!
واكتبى ....
انك خنتى حبيب
بكل مشاعرك ...

عطا الاسيوطى

الروح .... الباقيه

الروح ... الباقيه 

احضنى فيا 

الروح الباقيه

خدينى اعيش 

وياكى ... بحبك

ابعتى ريحك 

يملا عليا

عطر زمان

فجرى فيا 

الامل بركان

ازرعى فيا 

الروح من تانى 

واجنى حنانى

ابدرى فيا 

نبع حنانك

ارمى بذور الحب

امانك....

حبك ... خدنى

لحدودك ... ورمانى

خلانى وحيد

فى زمانى...!!

انقذى فيا 

الروح الباقيه

تعالى ... خدينى

ارمى الباقى 

من ايامى

فى بحر هواكى

وانسينى 

اعيش بهواكى

ارمى شباكك

امسكى فيا

امل هربان

احيى وليدك

قبل الموت ماياخدنى 

فى عيدك ...!!

يموت فيا

حب لقاكى

خدينى ... معاكى

واهربى بيا

وجوه فى قلبك

اقفلى  بابك

وانسينى ...

امسحى فيا 

الحزن الساكن

انقذى فيا 

الروح الباقيه

تعالى خدينى

وجوه فى قلبى

نسينى ...

حزنى الساكن

ويا سنينى ...

عطا الاسيوطى 

21-3-2012