ح اتحداكى
لو جيتى فى يوم
خليتى قلبى ...
يدق ... بحبك
اتحداكى
لو قدرت عينك
تيجى فى عينى
وتشغل قلبى
اتحداكى
لو جه مره طيفك
زارنى يوم فى منامى
او جيت مره
سمعت انا صوتى
فى لحن اغانى
ويقول اهواكى
اتحداكى
لو يوم قلبى ...
جه ونداكى...!!
انتى قفلتى الباب
بجفاكى
ايوه بعيد وبقولها
كتير ...
ح اتحداكى
وان جيتى يوم
تتمنى ... اهواكى
اسف اقولك ...!!
قلبى نساكى
قلبى انا طاير ...
فى السما فوق
بيغنى هوايا
وكنت اتمنى
تكونى دوايا
بس خساره
انا قلبى خلاص
مات جوايا
اتحداكى
لو جيتى يوم
وتحسى هوايا
عطا الاسيوطى
يناير 2012
مش قادر احطك
جوه فى قلبى
مش قادر ...حتى
أحبك ...!!
ممكن اكون ... مجنون
او حاسس ان انا مسجون
بس حقيقى
مش عارف ... احبك
يمكن اكون ...
حبيت انا قبلك
يمكن اكون ...
مليت انا قربك
كل الكون ...
حواليه بحبه
بس اقولك ...
مش قادر احبك
يمكن تكونى ...
جامده فى مشاعرك
وقدرتى تخلينى املك
بس صراحه
مش قادر احبك
بس اقولك ..
حاجه فى سرك
انا مليت فى الحب
هواكى ...!!
وارفض قلبى
لو جه ونداكى
حتى ولو ...
مكتوبلى أعيش
انا مش هقدر ...
اعيش وياكى...!!
هابعد عنك
وانسى ان انا عايش
جنبك ...
اصل مشاعرك
عكس مشاعرى
ياما اديتك ...
من عمرى كتير
بس خلاص ...
وبدون تفكير ...
مش قادر ..
احطك ... جوه
فى قلبى
مش قادر ...
حتى احبك ...!!
عطا الاسيوطى
يناير 2012
تعرف ...
ان البنت اللى انت
حاتطها فى قلبك
ماتستهلكش
تعرف ...
ان كلامها ... واحلامها
معاك ...
مش حقيقيه ...!
وان الصوره الساكنه
عيونك ...
كمان مش هى
تعرف ...
كام مره عرفت
غيرك ...
وقالتله كلامها
وان الشيشه ...!
اللى بتشربها
شربها كام واحد
قبلك ...
تعرف ...
ان البنت اللى انت
شايفها بعيون
قلبك ...
ماتستهلكش
تعرف ...
ان الحب فى قلبك
واضح ... وصريح
بس اقولك
خاف على قلبك
من الاوجاع ...
تعرف ...
لازم ترسم صوره
فى قلبك ...
لشريكة عمرك
ايوه حبيبى
حب ... وغير
ياما كتير
بس اقولك
لما تحب تعيش
مع واحده
بص ... وفكر
تانى كتير
تعرف ...
ان الحب فى سنك
الوانه كتير
والتفكير اشكال والوان
ياما تشوف ...!
البنت السمرا
ويا البيضا
والشقرا كمان
والخمريه...!
تعرف ...
انك لازم تقفل
قلبك ...
وبلاش اوجاع
ولما تحب تختار
حكم عقلك ...!
اوعى فى يوم تمشى
ورا صوره ....
الوانها كتير ...
اختار واحده
تكون الصح
مش الوانها كتير
فى الوش
وكلامها
غش فى غش
تعرف ...
انى بخاف على
قلبك ...
من يوم ماعرفت
انك ... بتحب
بس اقولك
اكيد تتحب
بص اقولك
حب ... وغير
ياما كتير
بكره هاتتعب من التغيير
اصل انا عارف
قلبك ... طيب
بس نصيحه
بلاش توجعنى
فى قلبى ... كتير
تعرف
انى بحبك
وتملى فى قلبى
وبدعى ربى ...
تكونى لسفير
عطا الاسيوطى
يناير 2012
بتهجى حروف
اسمك ...
واناجى الليل
واوصف ليه جمال
رسمك ...
واكتب مابين الحرف
والتانى ... أحبك
ووياكى ... يطول الليل
واشوف الشمس
فى عيونك
تصحينى ... انا المشتاق
وامسح دمعه
فرحانه على خدك
واضم فرحى انا ...
لفرحك
بحبك ...
مكتوبه فى البسمه
تخلينى اقولهالك
يمر اليوم ...
وانا بكتب ...
حروف اسمك
وبين الحرف ... والتانى
اكتبلك ...انا بحبك
ومليون مره ...
اقولهالك...
فى كل صباح
مايكفى شوق ... جوايا
انا ... لحبك
عطا الاسيوطى
يناير 2012
