اخر .... حدودك

اخر ... حدودك

اخر حدودك

انا قلبى هناك

بيستناك

ويا حروفك

بستنى لقاك

بحنين الشوق

راسم فرحه

وحدوده معاك

زارع اشجار

ويا الازهار

يرويه حبك

انهار ... انهار

بضحك ...ضحكه

تملا الدنيا

اخر حدودك

انا قلبى ...هناك

بيستناك

عطا الاسيوطى

24-3-2012

قلب .... انانى

قلب ... انانى

مش ح تلاقى

قلبى انا تانى

وانت خلاص

نستنى حنانى

ابعد ...

انسى ...

انك يوم ...

كنت بتهوانى

جرب ... حب

تانى وعيش

واوعى ف يوم

تفكر فى حنانى

عيش ايامك

انسى ايامى

جرب ...اعرف

حب جديد ...!!

افتح قلبك

انسى زمانى

اوعى فى يوم

ترجع احضانى

روح ... انسانى

مش هنسالك

قسوة قلبك

دمع عينيا

هنت ... عليك

وماهنت عليا

كنت بحسك

فرحة عيد

قلبك ... انت

قلب عنيد

كل ده ليه

علشان حبيتك

انسى حبيبى

انسى كمان

ايامى معاك

جرب ....

ابعد ....

تانى ... بعيد

بس اقولك

اوعى ف يوم

ترجعلى وحيد

اوعى تفكر ...

فين احضانى ...

قلبى خلاص ...

جرب احزانى

اصل عذابه

معاك ....خلاه

رافض تانى

يفتح ... بابى

جرب ...

ابعد ...

مش هتلاقى

قلبى انا تانى

قلبك قاسى ...

قلب ... انانى

عطا الاسيوطى

22-3-2012

ضحكه ....بغش ..!!!

ضحكه .... بغش

بيطلبوا منى ...

احب ... بقلبى

بس بهدوء ...وياهم

وبدون خوف ...

منى عليهم ...!!

واكتم جوايا

صراخى وخوفى

حتى عليهم

وآهدى الشوق

اللى فى قلبى

واقول الأه ...

جوا فى قلبى

وده من خوفى

ولا ابينش ....!!

لهفتى ليهم ...

واحاول اكون

جبار ... وياهم

وانا جوايا ...

وبكل صراحه

بدارى عليهم

الحزن انهار

هو طلبهم ...!!

كده ويايا

حاضر .... حاضر

هبكى وادارى

حزن القلب

وبره الوش

هرسم ... ضحكه

كلها ... غش

مش ده طلبهم

انى اكون وياهم

هادى ...!!

حاضر  ... حاضر

مش راح ابين

حبى انا ليهم

وخوفى عليهم

واكتم حزنى

وافرح ليهم

واضحك ... ضحكه

غش فى غش

واعيش افراحهم

وجوه القلب

مريض ... بيموت

ومش راح ... اسأل

حتى عليهم ...!!

ومش هناديهم

لما احتاجهم

وقت القلب

ماينغز ... فيا

هغصب نفسى

علشان ارضيهم

واضحك ... ضحكه

تملا الوش

كلها حيره

وغش فى غش

وجوه القلب

هدارى احزانى

ودمعة عينى

هتنزل بسمه

مش من الفرحه

دى هى الحسره

على حبى

انا ليهم ..!!

ده جوه القلب

الحزن انهار

حسره كبيره

وقلب بينهار

بس هدارى

كل ده فيا

علشان ارضيهم

هو طلبهم...!!

مش راح افرض

حبى عليهم

وادعى واقول

الله يرضيهم

هما الحب ...!!

وهما الحزن ...!!

وكل البسمه الجايه

دى ليهم ...

قلبى هيدعى

الله يخليهم

حاضر ...حاضر

هعمل كل اللى

بيرضيهم ...!!!

اهداء الى ....!!!

عطا الاسيوطى

21-3-2012

قسوة قلبك ...

اشطبى

من دفتر احوالك....
اسمى .....
تاريخ ميلادى ...
اجمل كلماتى  ...
وماتنسيش ....
تشطبى عنوانى ...
حطى مكانهم ...
قسوة قلبك ...!
غدر فى طبعك ...!
واكتبى ....
انك خنتى حبيب
بكل مشاعرك ...

عطا الاسيوطى

الروح .... الباقيه

الروح ... الباقيه 

احضنى فيا 

الروح الباقيه

خدينى اعيش 

وياكى ... بحبك

ابعتى ريحك 

يملا عليا

عطر زمان

فجرى فيا 

الامل بركان

ازرعى فيا 

الروح من تانى 

واجنى حنانى

ابدرى فيا 

نبع حنانك

ارمى بذور الحب

امانك....

حبك ... خدنى

لحدودك ... ورمانى

خلانى وحيد

فى زمانى...!!

انقذى فيا 

الروح الباقيه

تعالى ... خدينى

ارمى الباقى 

من ايامى

فى بحر هواكى

وانسينى 

اعيش بهواكى

ارمى شباكك

امسكى فيا

امل هربان

احيى وليدك

قبل الموت ماياخدنى 

فى عيدك ...!!

يموت فيا

حب لقاكى

خدينى ... معاكى

واهربى بيا

وجوه فى قلبك

اقفلى  بابك

وانسينى ...

امسحى فيا 

الحزن الساكن

انقذى فيا 

الروح الباقيه

تعالى خدينى

وجوه فى قلبى

نسينى ...

حزنى الساكن

ويا سنينى ...

عطا الاسيوطى 

21-3-2012

الله .... عالحب

الله عالحب

زى العصافير 

لما تزقزق

مع نور الصبح

هو دا صوتها

لما تنادى باسمى

لما بتصحى 

من النوم فى الصبح

ولما بتتبسم ...

تشرق وياها 

شمس الدنيا

الله عالحب...

الله عالضحكه 

ولا التنهيده...

لما اسمعها 

قلبى بيترج

ودقاته ...!!!

نغمة ... أرجون

الله على رنة

خطوتها ... لما بتجرى

وتترمى فى الحضن

الله ... عالحب

زى الخيل ...

لما بتمشى ...

على نغمة دف

وكأن الفارس

بيغنى وفى ايده

ربابه  ...

الله ... عالحب

الله عالضحكه 

فى عيونها ...

الله .... الله

عالحب 

عطا الاسيوطى

15-3-2012

حالف ...هرجع ضحكتها

حالف هرجع ... ضحكتها

عمرى اللى فات

فيه الكتير

مرضيش ... يصحينى

ويأمر بالرحيل

حالف يرجعلى ... الصبا

والشمس ترجع ... تانى

مشقشقه

بس خايف ... انا

خايف من الليالى

ومن الشتا

يطلع نهار

يجى وراه مليون

آسى ...!!!

فى قلوب بشر

متزوءه

ترمى حبل المشنقه

وبدون كلام ...!!

تلف عالرقاب

حبلها

وتوءد ضحكه

فى قلب بنت

مزهزهه

يااااااااااه

عالقلوب ...!!!

تقدر ... تتوب

والرب يغفر ... ذنبها

مش لاقى كلمه

تليق لها ...!

احزان كتير

تضحك تدارى

دمعها...!!

ساكنه القلوب

والدمعه دم

ساكنه العيون

مش قادره حتى

تبوح لها ..!!

بس حالف

هجيب الشمس تانى

وازرع ورود

وقت الغروب ...!!!

واروى بدمعى ... زهرها

هرمى ايامى اللى ...

عدت ...

وامسح دموع

كل الآهات

اللى كانت جوه

قلبى ... وقلبها

حالف هرجع

ضحكها ... وقت

الصبا

وقت اما كانت ملكها

حالف ....

يادنيا هرجع لها

ومعايا بسمه

تليق لها ...

وازرع كمان ...

عمرى لها

شمس وقمر ...ونجوم

كتير

جنه لها

دى فى قلبى

ساكن حبها

عطا الاسيوطى

5-3-2012



عدينى .....

عدينى

لسه انا لامس

حبى فى قلبك

لسه انا سامع

صوتك ... همسك

اوعى فى يوم

تزعلى منى ..!!

لو بحت انا سرك

عدينى ...

عدينى وخدينى

معاكى...

حطينى فى قلبك

وانسينى ...

انا شايل حبك

وسنينى ... تعدينى

عدينى ...

وف بحرك وارمينى

وسبينى ويا الامواج

انا عايش حبك

وفى عينى

انا راسم صورتك

عدينى ....

وانسينى بين

الحرف فى اسمك

شاركينى

بدمك فى وريدى

غذينى من حبك

واروينى بدموع العين

عدينى ...

عدينى لشطك

وخدينى وياكى

اعيش ...

وانسينى ...

فى قلبك راح اعيش

وان جه يوم

انا بحت بسرك

عاتبينى

وقتها راح اقول

غصبن عنى ...

مش قادر اعيش

فضحانى دموعى

وصورتك ...

شيلاها عيونى

عدينى ...

عدينى وياكى لشطك

وارمينى ... هتلاقى

بالحب فى قلبى

انا عايش ...

وسنينى تعدينى

وانا عايش بيكى

جوايا حبك انا

فى قلبى

عدينى ...

الله .... الله

على حبى .... وحبك

عاتبينى

واشنقى جوايا

الروح الباقيه...

بس فى بعدك

اياك تنسينى ...!!

عدينى ...

وارمينى فى قلبك

وانسينى ...

عدينى ...!!!

عطا الاسيوطى

6-3-2012

كل صفات .....الحب

كل صفات .... الحب

يااااااه 

عديتك ياحزن ... بيها

يااااااه

عالحب ...بعد العذاب

يااااااه

على صوتها بعد الغياب

أأأأأأأأأأأه

وألف 

أأأأأأأأأأأه

اخبارك ايه ... حبيبى

مشتاقه ليك ... حبيبى

صوتى اتغير ..!!

معرفتوش ...

ولا لسه نغمة صوتى 

سامعها ...!!

بتقول ...

بحبك 

ولا نسيت ...احلامى 

معاك

يااااااااااااااه

لسه بخفة دمها 

هى ...

يااااااااااااه

لسه بلهفة حبها 

ليا ...

أأأأأأه 

عبير الحب هواكى

أأأأأأأه ياحبيبى 

أأأأأأأأه بهواك

كل صفات الحب 

صفاتك

كل نغم الدنيا 

انفاسك

كنت اتمنى ....

اعيش وياك ...

كنت بحب ....

تملى لقاك

يااااااااه ... عالحب

انت الحب 

وانت الشوق

وانت العمر...

اللى انا بحياه

وانت الصوره 

فى عينى رسماك

وانت سفنتى 

الموج شيلاك

أأأأأأأأأأأه 

ياحبيبى

بحب هواك

لاخر عمرى 

هعيش ... بهواك

أأأأأأأأأأأأأأأه 

عالحب 

وانا وياك ...!!

عطا الاسيوطى 

5-3-2012