علمتينى الحب ....
بس نسيتى تعلمى قلبى
كيف الصبر يكون جواه
علمتينى اشوف الناس
كلاتهم صورتك...
عارفه ياغاليه ....
وانا وياكى بحسك كيف ?!
بحس بقلبى يرج الدنيا
ولا سلامك ولا كلامك
بت ياغاليه ..... عارفه
زى ماكون ماسك دالكون كلاتو فى يدى
ولا عيونك ... لما بشوفهم ..!!
تبرق زى النجم فى حضن الليل
فى السما فوق ....
ولما تقولى كلام فى الحب
أباااااااااااه .... ياغاليه
ولا 100 شاعر زى كلامك
كل حروف الحب معاكى ....ترج القلب
تخلى قليبى يدق بسرعه
ولا رهوان فى الريح مطلوق
علمتينى ياغاليه الحب
كل مااقولها بحب الغاليه
القى قليبى يضخ الدم ...
بحروف اسمك تقاطيع رسمك بحب
بصى ياغاليه ...
قصدى ياليلى ...
ولا ياعبله ...
ولا اقولك ...
جوليت بالمره
اصل انا عاشق كل الكون
ويا عيونك دايما اقول
انتى الحب ...
وانتى الدنيا اللى انا بحياها
ومقدر اعيش من غيرك فيها
اصلك غاليه ... ياست الكل
وكل منايا اعيش وياكى
نتنفس ويا هوانا ... نسيم الحب
علمتينى اقول الحب فى كل كلامى
علمتينى اقولها بقلبى لكل الناس ......
صباح الحب ...
عطا الاسيوطى
هناك تعليق واحد:
جميلة اوي اوي
بس لو كلها صعيدي !!
رح تكون اجمل
إرسال تعليق