النجمه العاليه

وانا واقف وحدى فى الشباك

وسرحت ولملمت خيوط                    
النجمه العاليه فى السما فوق
فى سحابه معديه عليا
ورمتنى بالنظره سلام
ولمحت فى عنيها كلام
مع بسمه جميله
زى غناوى الموال
وبسرعه رماها الريح لبعيد
وسحبها فى السما فوق
وجريت ورا منها وناديت
استنى شويه ... طب ردى عليا
وقوليلى انتى اسمك ايه
وفى لحظه غريبه....
تاهت منى فى سواد الليل
ولوحدى بقيت ولقتنى ...
بغنى بحروف تتقال من جوه القلب
وحلمت وانا صاحى ببكره
هيجى ومعاه ضحكتها
ومعاه عيون النجمه العاليه
اللى ساكنه فى السما فوق
اللى خدتنى ورمتنى فى بحر الشوق
وياريت ماوقفت فى شباكى
ولا شفت عيون النجمه العاليه
اللى ساكنه فى السما فوق



عطا الاسيوطى

عنوانها

سألت شيخ الحاره عنها وعنوانها ايه
قال :
      دى سكنها مغاره ..... وكلمة السر
تهز قلب الجبل من جوه......!
سالته تانى وقلت ...........
ازاى اهز قلب الجبل من جوه
قال :
      بكلمة حب و حنيه
رديت عليه وقلت ....
اه ياهوى الاحباب ... ايه وصلك ليا
انا عاشق للهوى ... بس الجميل مش ليا
انا صادق فى الحب ... ومعايا كلام حنيه
اقول على اللى فى قلبى ياهوى ...
ولا اسكت عليه شويه.......
الحنان عندى قد الشوق وشويه
اصل العاشق الاصيل ... الحب عنده بحنيه
والكلام عن الهوى ده اصله غيه
اقول كلام تقول غناوى فى عينيه
احب نظرة عينيها .... وشوقها وهى مستنيه
بكل نظرة حب ... تجرى وتمسك ايديا
واضم حضنى لصدرها ... واتنهد بحنيه
واقوم من نومى واصحى وصورتها فى عينيه
اعمل ايه دلونى ... يا اهل الهوى ...
دا العمر مش ليا .....
عاشق واهل الهوى ...
بيسمونى ضحيه

عطا الاسيوطى