ومهما يكون غيابك طال
هغنى واقول بتوحشنى
كفايه عليا كنت فى يوم
حنين ........قلبى
بتدمع عينى مع قلبى وانا سهران
بناجى الليل ....وتسالنى نجوم الليل
وسهران ليه .... وحيران ليه
ارد عليها من قلبى .......بيوحشنى
وساكن بالهوا قلبى
غيابه يطول ....
وانا صابر مع الصابرين
واغنى واقول بيوحشنى ... واعمل ايه
قدر مكتوب على قلبى
وطول عمرى وانا راضى بالمكتوب
ده لجل عيونه انا اتعذب
واقول مكتوب ...
ده حبه كبير ومش قادر
اقول ده كتير ...
بيستاهل وعمرى قليل ... انا بهديه
وفقلبى انا بداريه ...
وبتكلم واغنى باسمه للسامعين
ده اسمه حنين ...
وعلى قلبى حروف اسمه
ومحفوره نغم وآنين
وبكتم الهوا فقلبى
ده لجل عيونه ....
دى عيونه احلى عيون ...
بشوف فيها دفا .... وحنين
واقول مكتوب ........
عطا الاسيوطى
حنين بياخدنى ...وببعت انا
نجوم الليل ... حواليكى
واتنفس انا ... اسمك
وعيونى تزيح غبار رسمك
واعيد من تانى انا رسمك
بدمع العين وبهمسك
أأأأأأأأأأأه ....
ياصبرى على المكتوب
دانتى ال ...حنين ... أسمك
ياترى .... يا....
بتكسى بسمتك وشك
ولا الزمان ناسيكى
وسايبك فى الهوا وحدك
انا بارسل مع الريح سلام
يحمل محبه ... وغرام
وباعت للقمر نغمه ...
وحنين كمان ....
سهرانه معايا من زمان
وبكتب فوق شعاع الشمس
من تانى .... حروف اسمك
وبسأل ياترى ...يا حنين
فكرانى
ولا الزمان نساكى ...اسمك
حنين .... هو أسمك
عطا الاسيوطى
علمتينى يابت الحب ...
علمتينى اقوم من النوم
اشرب بدل الشاى الحب
كيف علمتى القلب الواعر
كيف الحب ....
قولى يابت ....
كيف علمتى القلب هواكى
دنا وياكى ببقى صغير
زى الميه فى حضن البير
علمتينى الحب ده ليه
بتعذبى قلبى معاكى ليه
ماتردى عليا ...
ولا وقت الكلام وياكى
تعملى مش سامعه وماترديش
قولى ازاى اهرب وياكى
لقلب البير ...
علمتينى كيف الحب
يخلى الواحد منا ....
زى الطفل فى وسط الدار ...
تايه مش عارف محتار...
دنا وياكى بحس بشئ
مش عارف وصفه ازاى
زى ماتقولى كده...
قلبى فرحان بيفط
عايز يطير فى السما فوق
وانا بجرى معاه وين مايكون
جعلتينى كيف المسكين
قولى طيب وحياة بوكى
انتى عملتى ايه فى قليبى
قولى ياغاليه ...
قولى يابت ...
ليه الضحكه فى عينكى مليانه كسوف
طيب لما انتى بتتكسفى ..
ليه رمتيلى شبكك فى طريقى
ليه خليتى القلب يفط
وانا وياكى بشيل وبحط
باااااااااه .... ياغاليه
عارفه انا دلوقتى عايز ايه
عايز اقول للناس كلاتهم
ان الحب ده بحره غويط
ليه الحب ما بيشبعش
مهما الواحد ياخد منه
ده مش بيخس ... ولا بيكش
بتجرينى اقول للحيط والغيط
وابدر بدل البذر ...
حبوب الحب للارض البور
وألف وادور فى عيون الخلق
قولى ياست الكل ياغاليه
علمتينى ازاى الحب ...
برضو الضحكه فى وسط الوش مليانه كسوف
طيب قولى .... قولى ياغاليه
علمتينى ازاى الحب ....
عطا الاسيوطى
يعاودنى الحنين ليكى
وبفتح تانى شبابيكى
واناجى النجمه فى العالى
ترجعنى شباب ليكى
واعود تانى اناديكى
واعيش بالحب لياليكى
بحب كبير بعيش فيكى
ياهمس الحب وآلامه
يانبض الشوق وانغامه
وانا لسه جنين فيكى
ياشوق للقلب ... يابسمة ورد
بكل الحب اغنيكى ...
ترد النجمه فى العالى ... وتسالنى
وحبى ليه ... عايش ليكى
ارد بشوق وتنهيده تهز القلب
وانا كلى حنين ليكى
واقول للنجمه واحكيلها غرام فى القلب
وارجع ... واغنيكى فى موالى
واقول للنجمه فى جوابى ....!!!
دنا عمرى هوا ليكى
يانبض فى قلبى انا حاسه
وطول العمر انا عايشه
بيعاودنى الحنين ليكى
ترد النجمه ودموعها تسيل عالخد ...
يارب يدوم هوا قلبك
وتدعيلى يزيد حبى ...ويرضيكى
بيعاودنى الحنين ليكى ....
عطا الاسيوطى
14-10-2010
ياسيدتى ...
انا كهل فى الهوا
ارتشف الحب من ماء السماء
وانتقى الشعر من شفاه النساء
ان ظننتى يوما انك ملهمتى ....
فانا اكتب الشعر ... من قبل الغزاه
فارحلى ان شئتى ... ام ابيتى
فأنا فارس لا يخاف الرماه
فجوادى يهرول نحو السماء
فحاذرى ...ان بارزتينى الحب ...
فانا فارس لا يقبل الا الحياه
فكونى اميرة دربى ....
وان ابيتى .....
فابحثى عن فارس ...
لا يعشق النساء .....
