خوفىمهوش خوفى
خوفى من ضى الليل
وضلمة الليل الطويل على بلادى
عالضحكه العاليه
عالبسمه الغاليه
فى وجه ولادى
خوفى عالحب اللى بيجرى فى عروقى
عالعرق النازل عالجبين
من شمس بلادى
ومن اجلك ومن اجل ولادى
خوفى عالمشيه ساعة العصارى
من ريحة الخضره الصابحه
واكل دره ريحتها فايحه
من قاعده حلوه على شط نيلك
خوفى على ولادى
وخوفى مهوش خوفى
مش خوفى على نفسى وحبى لذاتى
ده خوفى على ولادى
من هجر بلادى
