تهلى ببسمه
تتفتح شراينى
وتتبسم وتتكلم
وويا البسمه
كأن العمر لا عدى
ولا شمسه فى يوم
غابت
كأن الزهر بيفتح
على عمرى فى
احضانك
وهمسة حب
انا فى قلبى
بتروى عطشه
من تانى
وخايف ابوح انا
بسرى
تضيع منى ابتسامتها
وارجع تانى
وحدانى
ح بوح بالسر
انا لقلبى... وشريانى
واكتم حب جوايا
واتنسم عطرك
الغالى
يا اجمل بسمه
بتصبح على عمرى
وانا وشوقى
بنستنى
صباح شمسك
كأن العمر لا عدى
ولا روح بأيامى
ومن تانى .... بعيش
احلامى
تهلى ببسمه
تتفتح شراينى
وتتبسم ... مع الفرحه
وانسانى
ووقفه .... وتنهيده
وأأأأأأه
افتح عينى
اتارى
حلم جوايا
انا عايشه
ينسينى
عمرى اللى نسانى
وخدنى لغربه
انا فيها
واعيش حبى
وأنسانى
تهلى ببسمه
تتفتح شراينى
اتارى العمر
لحظه وراح
وانا عايش
باحلامى !!!
عطا الاسيوطى
نوفمبر 2011
