وانادى عليكى
يتوه صوتى
ويرجع ... صدى مسموع
بس مش واضح
الملم حرف والتانى
اجمعهم ... واقراهم
الاقى ..!
توهتى وياهم
دى نبرة صوتى
ودى حروف اسمك
تناديكى
اكمل تانى موالى
واغنيكى فى اشعارى
واعزف لحن انا عارفه
الا قى الدنيا وخدانى
تمرجحنى
وترفعنى للسما العاليا
وفجأه ...!
وبكل قوتها
بترمينى لسابع ارض
والملم اللى فاضلى
وابدأ تانى ...!
انادى عليكى
علشان موجوع
انا بحبك
وبسمع صوتى
يرجعلى ...
واضحك
ضحكه مسموعه
اتارينى ...!
بحلم بيكى وانا صاحى
واناديكى ...!
عطا الاسيوطى
ديسمبر 2011
ليست هناك تعليقات:
إرسال تعليق