عايز اقولك
انك لسه جوه فى قلبى
وان الصوره
رغم البعد مابهتتش
وان الضحكه
الحلوه بتاعتك
ماليه الوش
رغم دموعك ويا الفرحه
مابتنشفش
والعصفوره
رايحه وجايه ... بتبنى العش
عايشه فى حلم بكره الجاى
وترسم شمس بتشرق فرحه
ويا الخضره ومابتدبلش
عايز اقولك
انك لسه جوه فى قلبى
وان الصوره
رغم البعد مابهتتتش
عايز اقولك
ان الحب فى قلبى
رغم بعادك
تملى بيكبر
وان حروف اسمك وياه
منقوش عالوش
عايز اقولك
ان انا بحلم
ان فى بكره
احقق حلمى
وانا وياكى
اصل انا عايش
حلم زمان
لما رسمته
انا وانتى كمان
حبى وحبك... مش اوهام
حبك صادق
وانا برضو كمان
ايوه بحبك
عايز اقولك
انك لسه جوه فى قلبى
وانى بعيش امل جواى
عايز اقولك
رغم البعد
لسه بحبك
لبكره الجاى ...!!!
عطا الاسيوطى
ديسمبر 2011
ليست هناك تعليقات:
إرسال تعليق