ضحكه لذيذه
هأ هأ هأ
اول ما اكتب عنك
ضحكه ....هأهأ
وضحكه لذيذه
أيوه انا بضحك
هأهأهأ
يابنت الايه
فاكره نفسك ...ايه
مارلين مونرو
أما عبيطه...هأهأ
كل الناس دى ....
بتضحكى ليهم ...
زى ماقلت ...عليكى
امبارح...انك حيه
حاطه .... الشاعر
ويا البيه....ويا الظابط
والواد ابو جنيه ...!!
هأهأهأ
أما عبيطه
يابنت الايه ....
الست مش ضحكه
لبيه ....
عارفه الست ...
اناعندى ايه ...
ورده جميله
والوانها كتيره
وكل الوانها
بتكتب ... سيره
حسب اللون
اديكى مثال ....
الورده البيضه
صافيه جميله
والورده الصفرا
كلها غيره ...
واه ... من الحمرا
يابنت الايه ....
شعلة حب ...
انما ايه
أه ياعبيطه ...
فاكره انك بتلعبى
فاكره انك بتلعبى
سيجا ....هأهأهأ
أما عبيطه
لفى ودورى
واكتبى فى سجل
التليفون ...
اسماء وارقام
هأهأهأ
فاكره نفسك
السفيره عزيزه
أه ...ولذيذه
اوعى تقولى ...
انك حبيتى ... وكمان مقبوله
أه .... مجنونه
هو قلبك ...
شقه مفروشه
يسكن فيها كل الناس
أما عبيطه
يابنت الايه ...
هأهأهأ
عطا الاسيوطى
مايو 2012
ليست هناك تعليقات:
إرسال تعليق