بتهجى حروف
اسمك ...
واناجى الليل
واوصف ليه جمال
رسمك ...
واكتب مابين الحرف
والتانى ... أحبك
ووياكى ... يطول الليل
واشوف الشمس
فى عيونك
تصحينى ... انا المشتاق
وامسح دمعه
فرحانه على خدك
واضم فرحى انا ...
لفرحك
بحبك ...
مكتوبه فى البسمه
تخلينى اقولهالك
يمر اليوم ...
وانا بكتب ...
حروف اسمك
وبين الحرف ... والتانى
اكتبلك ...انا بحبك
ومليون مره ...
اقولهالك...
فى كل صباح
مايكفى شوق ... جوايا
انا ... لحبك
عطا الاسيوطى
يناير 2012
ليست هناك تعليقات:
إرسال تعليق