غناوى الشوق
وبين غناوى الشوق
شايف انا دمعك
عالخدين
ويمسح دمعتك كفى
وبسمة خوف
بيرسمها انا قلبى
واداريها
وبين شقوق الخوف
تهل طاقه انا شايفها
على جبينك
تقولك اكتمى حزنك
حبيب القلب وياكى
عيشى الفرحه جواكى
تلاقى الفرح بياخدنا
يطير بينا بلاد الشوق
واغنيلك غنا العشاق
وايدك حضنها فى كفى
وفرحك دمعه وياكى
بيترقص على الخدين
وبحلم وتحلمى معايا
نعيش اللحظه ونغنى
غناوى الشوق
وترقص خصله من شعرك
على جبينك
وارفعها انا بايدى
ببسمه جميله من قلبى
تدارى الحب جواكى
أأأأأأأأه ...ياهوى العشاق
بيدبح قلبى انا شوقى
وءانسيكى لحظه من الاحزان
عشتيها
نرمى حلمنا فيها
ونضحك تضحك الدنيا
نرويها مية العطشان
فرحك وانتى ويايا
بيسقينى هوا العشاق
عيشى اللحظه دى معايا
ونرسم فرحنا لبكره
تدور شمسنا معانا
ننسى حزنها معاها
عشقتك
زهره فى البستان
بتتمايل بكل حنان
مع فروعها فى كل مكان
ترقص زهره وياها
على غنانا
وتسمع مننا الالحان
ترد الزهره وتقولك
هعيش اللحظه من قلبى
وبكره ربنا المنان
ينسينا حزن جوانا
وبين غناوى الشوق
شايف انا دمعك
نازل يجرى
عالخدين
عالخدين
عطا الاسيوطى
ليست هناك تعليقات:
إرسال تعليق