آخر ... ندا
بدور عليكى
بين حروف الكلام
وبين الورقه والاشعار
بين الطريق اللى كنا
بنرسمه مع حبنا
فاكره ... زمان
بسمة فرحتك وقت اللقا
ويا دمعه من عينيكى
وهى بتترسم وقت الفراق
مع لمسه من ايديكى
ساعة .... صفا
تاخدنا لفرحه تضمنا
ويا همسه من شفايفك
وحروف اسمى لما تنادينى
ويا دمعه نازله من عيونك
انتى كل الدنيا ليا
انتى روحى ونور عينيه
وانتى حزنى اللى رمانى
لغربتى وحدى بآسيه
انا مش بلومك
يالحبيبه ... عالبعاد
انا اللى كنت ببعدك
عن دنيتى ... رغم الآسيه
انتى حلمى اللى كان
ينده عليا
وانتى حلمى اللى جاى
فى الدنيا ليا
لما بحس بدموع عينيكى
نازله تجرح ايدى انا
ولا بسمه بالدموع
تجرح فقلبى
لما بشوفك بتكسف
تدمع عينيه
أأأأأأأأأأأه
يالحبيبه
وألف أأأأأأأأأه
عالدنيا ديا
دنيا غريبه
بعدت أغلى حبيبه
حتى فى لحظة همستك
من غير ماشوفك
بخلت عليا دنيتى
مش دى آسيه
بعد كلمه سمعهتا
وبكل فرحه
وبلحن وبصوتك كمان
اجمل هديه
فضلت واقف بعدها
تايه بفكرى
وجريت ادور فى المكان
بقلبى وعينيه
واسأل عليكى فى الوجوه
على كل شباك فى البيوت
وفى كل شارع والمبانى
حتى الكهوف
حتى عصافير الشجر
تسأل عليكى
كانت تغنى .... بغنوتى
خليك شويه
وكان فى صوتها
آنتى ... بحزن وآسيه
عدت عليا سنين كتير
وملامحك انتى
هى ... هى
ولسه صورتك
جوا عينى وضحكتك
لسه مرسومه بحنان
ودى اجمل هديه
لسه اسمك بكتبه
على كل اوراق الشجر
حتى الخريف
مقدرش
يدبل زهرتك
اصل حبك انتى
برويه من دم قلبى
ويا دموعى ... وآنتى
واكتر شويه
عطا الاسيوطى
ليست هناك تعليقات:
إرسال تعليق