صفارة العمر بتصرخ ...وقت المرواح ...
وادينا ماشيين .... ومش عارفين
الجنه دى بيتنا ....
ولا .... للنار رايحين..ومين وقت المرواح ....
ماشى معانا ....
ومين بيعد ورانا خطانا
ومين غافلين ...
واهى ماشيه الدنيا
ووخدانا ... فى متاها ... معاها
وسيبانا بنتوه ورا بعض
وبنسمع من بعض كلام
ونقوله بتئويل .... وخلاص
واهو اخلاص
ومين الخسران ...
ابو نص لسان
ولا الندمان....
اهى ناس ... مع ناس ...تايهين
واهو كاس وبنشرب فيه
بكلام وخلاص
آآآآآآه يادنيا ..... واه
ورينا اصحاب .... لأ
دول مش اصحاب
دول ناس ..... كدابه
معصوبه عيونهم ...
بكلام الناس
وودان مفنوحه على آخرها
وبتسمع لكلام وخلاص ...
ماهو اخلاص ...
تحكى .... وتتحاكا على خلق الله
فطارنا على فلان ....
وغدانا على ابو جيب مليان
أما عشانا ....
على واحد وخلاص
والحلم ..... أأأأأأأأأأه
وده اخر المشوار
بنخطط فيه لبكره كمان
اصل الصاحب .... هيمان
مش دريان
على ايه فرحان بالدنيا
اهى دنيا ووخدانا
فى متاها .....
ومعاها ماشيين
وفى آخر المشوار صفارة العمر بتصرخ
وقت المرواح ....
بتنادى .....
اهو عمر وراح
اهو عمر وراح
عطا الاسيوطى مايو 2011
ليست هناك تعليقات:
إرسال تعليق