ساحة التحرير

 وان سألوكي في يوم عليا قوليلهم .....

كنت نايم فى ليل طويل ....والسما بتبكي عليا
وفـ يوم صحيت على صوت ندا ...
من قلب أولادنا العفيه ....
تكسر قيود الظلم ...وتنط فوق السور ...
دا لجل ماتنادى على الحريه .....
وماسكه فـ ايديها رايه ....
بتجمع 3 الوان ... احمر ...ابيض .. واسود ....
وفى وسطهم صقر وهمام ....
احمر ... دا لون الدم ...
لون جرح الشهداء فى ساحة التحرير ....
من قلب ولادى العطشانيين لحريه ....
وتانى الوانه ...
 ابيض بلون قلب الصبيه الطيبه
 ولون الفل .... اللى بيصبح على مصرنا الابيه ....
واخر الالوان ....اسود ...
دا لون الليل الطويل ....
 اللى كاسى عيون الشعب الحزين ....
وعيون كل الشعوب المنسيه .....
وفى وسط ال 3 الوان ... صقر ...
فارد جناحه بيدارى عالثوار ....
فى ساحه التحرير ....
اللى فاردين دراعهم وبينادو ...
سلميه .... سلميه 
 شامم انا ريحة عزه وكرامه ...
اللى كانت من سنين منسيه ....
ياحظ الولاد الطيبين اللى شاركو فى الثوره ديا ....
نكتب حروف اساميهم بالدهب ....
وفى صفحة التاريخ ...
.وفى قلبى وعينيه ...
وان يسألوكى فى يوم عليا ....
 قوليلهم ...
مات شهيد فى ساحة التحرير ...
 وانا ايدي متحنيه ....
ادى الصباح أهو.. جه ...
 بينادى على كل ايد نقيه ...
 اصرخ واكتب يازمن ...
دى مش ثوره ... لأ ... دى وحده وطنيه

عطا الاسيوطى