وحشتنى يابا ضحكتك
لساى بغنى غنوتكويا العصارى فى قعدتك
فاكر يابوى موالك
تحكيلى فيه احوالك
كلامك وحكاويك
مع شايك وغناويك
كانو يابا سلوتى
كانو يابوى ضحكتى
باتو نهار وليل آنتى
عارف يابوى الدنيا
بئت ازاى
زى االديابه فى الصحارى
زى الوحوش فى البرارى
هما دول ناسها
هما دول اللى كلمتهم بمعنيين
لساى يابا بعانى بعدك وحدتى
وقت غروب الشمس
وويا الليل والناى وغنوتك
الشاى يابا طعمه مر
والحكاوى مبقتش تسُر
موالك وغناك
لساهم فى هواى
مشتاق يابوى لضحكتك
فاكرك يابوى
فاكر مواقفك فى قعدتك
عارف يابوى ... بحب اسمع ايه
حديت اهل الصعيد بلغوتك
على قد مالفيت بلاد الله
ولكن اصيل يابوى
مانسيت ابدا لهجتك
صوتك جميل
صعيدى اصيل
الله يابوى يرحمك
وحشتنى يابا كتير ضحكت
وحشتنى يابا ضحكتك
عطا الاسيوطى
ليست هناك تعليقات:
إرسال تعليق