ايه يعنى عدى النهار
مهو جاى وراه تانى نهار
ومعاه كمان بسمه جميله بتترسم
فى وش الصغار
لسه الامانى بتتولد وسط الحصار
لساى بضحك ضحكتى
لساى على الربابه بغنوتى
هتحدى كل اللى زمان
وقفوا كمان فى سكتى
راح اغنى تانى لصحبتى
ويا الحبايب والقرايب
والصغار فى سهرتى
وهقول يادنيا افرحى
جايلك نهار
لساكى يادمعه ساكنه
جوه قلبى وآنتى
لساكى ياشمس غايبه
عن طريقى فى غربتى
بتتحدى تانى فرحتى
صبرك عليا يادنيتى
هزرع طريقى بضحكتى
عنوانه هيكون ...
بسمه جديده فى سكتى
بسمه جديده فى سكتى
رغم جراحك
رغم نواحك
هوصل طريقى بفرحتى
وارجع اغنى تانى
ويا القرايب والحبايب
وافرش طريقى ببسمتى
وارجع اغنى على الربابه
ضحكتيلى تانى يادنيتى
وايه يعنى عدى النهار
مهو جاى بعده تانى نهار
عطا الاسيوطى
هناك تعليق واحد:
جميله ... برغم انى حاسس ان لسه محتاجه كمان وكمان
عدى النهار
باين عليك اتاخرت عشان كده حسيت انك اختصرت
( كوتى )
إرسال تعليق