حزنى اللى ساكن جوايا

مش هقول اه كسرتينى ....
مش هخلى الدمعه تنزل من عيونى
ولا كلمه اقولها وتلومينى
ولا نظره مُره من عيونى
بس هقول ...
كل كلمه كانت فى ظنونى
كنت احبك أأأأأأأأأأأأأأه
كنت احسك أأأأأأأأأأأأه
كنتى فرحى فى يوم حزين
كنتى بسمه فى يوم اليــــم
بس ليه توجعينى بقسوتك
بس ليه تجرحينى بكلمتك
أأأأأأأه ياحزن جوايا ساكن
أأأأأأه يافرح جريت تهاجر
شوف حبيبى
دمعتى غاليا عليا
شوف حبيبى
قسوتك هى اللى فيا
كنت بحلم ليك تملى
كنت يومى وحلم عمرى
انت عارف قد ايه شوقك فى قلبى
قد الحروف
قد الكلام
قد النجوم والطيور فى السما
قد الثوانى والدقايق والسنين
اللى عاشت فى قلبى انا
قد الكلام الحلو اللى كان جوايا انا
عارف حزنى يعنى ايه
يعنى موت قلبى الكبير
يعنى موت قلب الجنين
شوقى ليك كان فرح عمرى
حبى ليك كان كل همى
كنت غالى فى قلبى عنى
كنت عينى وكنت ننى
بس اقولك !!!!
عيش هواك....
اهجر كمان نول رضاك
بس انا ... فى قلبى لسه
حزنى الكبير ...
مهما غبت عن عيونى
مهما كانت ايه ظنونى
انت برضو فى قلبى انا !!!!!

(عطا الاسيوطى )