كلمونى تانى عنك
فكرونى تانى بيك
ياللى قلبك كان بايعنى
وانا قلبى مشتريك
كل كلمه حلوه كانت
جوه قلبى بتناديك
كل لمسة ايد مابينا
كانت الدنيا فى ايديك
كانت الهمسه فى شفايفى
غنوه حلوه بين عينيك
انت فاكر ياحبيبى ولا ناسى
ياللى قلبى كان فى يوم قلبك ياقاسى
كنت ابدأ يومى بيك
كانت الاحلام فى قلبك
كنت احققها فى ايديك
انت عارف كنت ايه
كنت شوقى
كنت فرحى
كنت انا نظرة عينيك
كنت لما تقوللى اه
قلبى يصرخها اهات
ولا لما دمعه تنزل من عينيك
تلقى ايدى تسبق ايديك
اه .... ياقلبى
بص شوف قسوة حبيبك
لسه فاكر ...
همس قلبى ويا قلبك
ولا اقولك ...
فين كمان نظرة عينيك
اعمل ايه تانى لقلبك
ياللى قلبك كان بايعنى
وانا قلبى مشتريك
عطا الاسيوطى
ليست هناك تعليقات:
إرسال تعليق