الايام بتمر بينا ...بتلف بينا
بالفرح مره... والجرح مره
مره تواسينا مره تجافينا
ولا حد يقدر مننا مره يعاديها
وهى ايام ... بتمر بينا
ساعات ...وساعات
ساعات تضحك ...نقول افراح
نطير وياها مسا وصباح
نحلم معاها ... ننسى جفاها
ونفتكر لحظه رضاها وفرحنا
واحنا معاها تنسينا ايام آساها
ودموع عنينا تنساها
بفرحة هناها
بفرحة هناها
أهى ايام ... بتمر بينا
ساعات تئسى تكون... احزان
تنسينا ضحكة زمان
تدمع عنينا تجرح ايدينا
تتوه وياها...غناوينا
تضيع منا خطاوينا مع العنوان
تبكينا الدموع احزان
تتوهنا نقول ايام
واهى أيام ... بتمربينا
ساعات تحرم قلوب عاشقين
ساعات تجرح قلوب عايشين
ساعات ويا الطريق ماشيين
ساعات ترجع نقول تايهين
ولا عمرنا قلنا تعبنا
ولا فى الطريق اشواكنا كتير
اهى ايام ... بتمر بينا
ووياها سنين ماشيين
فى طريقها شمال ويمين
معاها الحب والحرمان
معاها الفرح والاحزان
بتسقينا الكاسات الوان
بتهدم حلمنا لقدام
تسهرنا ليالى طوال
اهى ايام ... بتمر بينا
ولاعمرنا ملينا يوم
ولا يوم نقول كده ليه
يازمان
يازمان
دى الايام بتحن لينا
وتقسى علينا
وكل ده طبع الانسان
مش الايام
عطا الاسيوطى
ليست هناك تعليقات:
إرسال تعليق