ولسه بقول ... بتوحشنى
ومهما العمر يجرى معاك
بعيد عنى بتوحشنى
ومهما البعد بينا بلاد
راح ابقى معاك وهاستناك
بصبر روحى مع صورتك
وكلمه جميله بنقولهابكل سرور... وضحكايه
ونظرة حب ... فى عيونك
تصبرنى على المكتوب
وابعت روحى تفرشلك طريقك نور
دا لجل تكون بتطمن
انا وياك
وبرضو بقول بتوحشنى
يا اعز الناس ... على قلبى
يانور للعين ... فى ضلمة ليل
بتهدينى طريقى انا فين
يانسمة صيف تسافر بيا وتاخدنى
للحظة شوق
ياشمس لبكره وامبارح
وعمر جميل بيستنى ... وانا وياه
لتطلع شمس يومها جميل
ربيع عمرى
واحب اقولها من غيرك
وانا وياك ... بتوحشنى
وطول العمر هاستناك
ولحن جميل ... اغنيلك
ترد النجمه تسألنى ...؟
دموعك ليه
ارد ببسمه حزينه من قلبى
وتوجعـــــــــنى ... طويلـــه الغربه
وواحشنى ...وانا اعمل ايه
بتجرحنى ... دموع عينى
وتحرمنى انام الليل
وانا وحدى
كمان صورتك ...قصاد عينى
واصبر قلبى من تانى على المكتوب
واسأل نفسى ... من تانى
وكل ده ليه ...؟
ارد واقــــــــول
بتوحشــــــــــــــنى
(ابريل 2009)
عطا الاسيوطى
