ياحبيبتى كل مابندهك
يحمر وشك وتقوليلى بتكسف
اكتب حروف اسمك
فوق فى السما
جنب القمر
تيجى تقوليلى بتكسف
طب اعمل ايه
دانا جوه قلبى مشكله
ارسم ملامحك والقمر
يسال يقوللى مين انا
انده عليكى
عنيكى تجاوبنى
تسالنى ليه انا
انتى اللى عارفه المسأله والمشكله
دى طبيعتك انتى مش انا
عيونى تشوفك
تندهك ... تحضنك
وتقول دى قمره فى السما
سامع كلام همس وغنا مع بسمتك
اجرى واحضن بنتى انا
اسمك انتى قبلى انا
أسماء بتحمد ربنا
يجى كمان بعدك ولد
اسمر وطبعه زينا
قلبه حامى ودمه خفيف
واحلامه بسيطه زينا
انده عليه ....
وقبل الحروف ماتنتهى
يجرى يقوللى أهو انا
بسمه وفرحه فى عمرى انا
اسجد واشكر ربنا
اهداء الى زهرتا عمرى
اسماء - عبدالرحمن
(عطا الاسيوطى )
