مانيش عارف
فى لحظه غريبه
مش عارف
ضعف ... ولا شوق فيا
مانيش عارف
حاجات جوايا
تتغرب انا منى
عيون كانت تبوح منها
كمان سرى
وبتألم الم ... موجوع
وبحكى لحظه عشناها
وتتقرب ... وتتغرب
تتوه منى خطاويا
الملم ... بسمه ... وهمسه
مع كلمه فى قلبى
مره زمان قولناها
وعشناها
وتضحك شمس ايامنا
واسهر بذكرى احلامنا
مانيش عارف
اصون عهدك
وخايف يوم أكون
ظالمك
واسهر ... تسهرى معايا
واحلم ... تحلمى هوايا
واعيش من تانى
على ذكرى
كانت بينا
مانيش عارف ...!
اعيش بالحب جوايا
واخاف تنسينى
وهوايا
وتنسى عهد ويايا
تردى ...
بهمسه حزنانه
ودمعه تجرى ... فى لقانا
بحــــــــــــــــبك...
عمرى مانسيتك
بشوقى وعهدى ويايا
ياغالى ...
عمرى انا عمرك
وفرحة قلبى ... انا جنبك
بتسكن جوا فى قلبى
حروف اسمك... ودى غنايا
وحالفه ...لو الف وادور
مايسكن قلبى غير حبك
ارد عليها ... من قلبى
وفرحة حب وياها
هواكى ... فى قلبى
كل الكون
يافرحة قلبى وهنايا
أحبــــــــــــــــــــك
مهما كان اللوم
وصاين عهد جوايا
وصورتك...
جوا فى عيونى
حروف اسمك
دى قنديلى
بحبــــــــــــــــــك
وعمرى كله يهون
وبعدك مهما طال العمر
انا عايش مع حبك
وصوتك
عمرى مانسيته
وسامعه فى لحنى وغنايا
يا أغلى ماليا فى الدنيا
مانيش عارف
اخبى هواكى
دا حبك ...!!!
احلى مافيا
عطا الاسيوطى
ديسمبر 2011
