وبشتقلك
تمدى ايديكى
تاخدينى فى احضانك
انام وارتاح
انا فى حجرك
تمدى ايديكى
تلاعب شعر فى راسى
وتحكيلى
حكاوى زمان
وتنعس عينى
وتتسحب من على راسى
ايديكى ... بكل حنيه
يا اغلى صوره فى عيونى
يا أمى ... يا هوا جنونى
وبشتقلك...!
تشيلى الاه فى موالى
وتنزل دمعه من عينى
على ايام كانت حلوه
وعايشها فى احضانك
ومهما بعدت خطاوينا
وارواحنا
انا عايش مع الذكرى
دانتى عايشه جوايا
فى حكاويا واشعارى
فى ضحكى وشوق لياليا
كأنك مافارقتينى
ببعدك عنى فى سنينى
دانتى الام
حضن يضم
وتمحى كل لحظة هم
وبشتقلك ..!
تشيلى هم جوايا
وتمسح ايدك الطاهره
دموع تنزل على فراقك
وبشتقلك
وبندهلك
ياترى ياما سمعانى
عطا الاسيوطى
ديسمبر 2011
