نظرة عيونك
من نظرة عيونك
بفهمك
بسمة شفايفك
مع كل الوان الربيع
انا برسمك
وقت اما تمشى
فى الطريق
احس بخطوتك... رايحه لفين
لمسة ايديكى
تحكيلى ايه قصتك
تحكيلى ليه رمانى قلبى
فى سكتك
رعشة رموشك
من بين جفونك
لما عينى بتلمحك
أأأأأأأأه ... بعشقك
همسة كلامك
غنوه حلوه
انا بسمعك
انفاسك انتى
اوتار جميله
بتعزفك
تايه معاكى ...!
بعشق هواكى
بعشق كمان
ضحكى فى هواكى
وياكى يهرب حزنى انا
نظرة عيونى
بتفهمك
عطا الاسيوطى
