غصب عنــــــــــــــــــى

غصب عنى قلبى خدنى
غصب عنى فى لحظه منى
كنت دايما نن عينى
وانت ليه بتبكى عينى

اصل انا عمرى هواك
وانت احلامك هناك
راحت بعيد فى حضن تانى
بس انا حضنى رمانى
بين ايدين تخون حنانى
انت ليه تنسى قوام
اللى كان بينا وكان
احلى حلم كان هواك
احلى ايامى معاك
كنت بمسح دمع عينك
قبل ماتلمس خدودك
ياللى كان قلبك بايعنى
ياللى كان غدرك سابقنى
روح وجرب قلب تانى
روح وجرب قلبك انانى
احلى ايامى معاك عيشها تانى
بس اقولك عالحقيقه
قلبى عاش اجمل سنين
وقلبك انت مش امين
دمعتى فى قلبى انين
دمعتك ... كدبة حزين
انت عايش مش عشانى
دارى مكر وزيدنى تانى
عمرى ماهحن لهواك
وابكى دايما ياظالمنى
انت اللى هواك المنى
حبك انت كدبه حلوه
قولتها كتير فى غنوه
غنوه قلبى كان عايشها
وصدقتها وانت تقولها
وتزيد كمان
ياللى قلبك كان بايعنى
غصب عنى قولتهالك
قلبى ليك مايحن تانى
اصل قلبك كان انانى
عايش فى كدبه ...
عيش وحب بمكر تانى
ويا قلب يشبه فى لونه
احلام كتير وزيد غروره
بس اقولك غصب عنى قلبى خدنى
وراح يعيش بعيد ...
راح بيسأل عن قلب تانى
يعيش حنانه ...
قلب مايكنش انانى
غصب عنى هحب تانى

عطا الاسيوطى