مع ان انا عارف ومتأكد
ان انت رحلت
بعد العمر دا كله حاسس انك ويايا
عايش دلوقتى معايا ومرحلتش
بنفس الاسلوب فى حياتك
دلوقتى معايا ....
نفس الحنيه فى كلامك
انا ساكنه هوايا
حتى فى احلامى لولادى
ترسمها معايا ....
حنية قلب انا مشفتش
غير منك ويايا ..
احلامى معاك كانت ورديه
بس خساره ...ادى حال الدنيا
ايام وبتجرى من عمرى
بس حقيقى ... معدتهمش
لانك جوايــــــــــــــا
وعايشها معايا ...
نبرة صوتك وحشانى ...
بس يصبرنى ...لغتك فى ندايا
مقدرش افتح عينى من نومى
الا بدعاء من قلبى ليك
يارب بعفوه يرضيك
ويحنن قلبى وارضيك
ولقانا يكون عند نبيه
والحوض يسقيك
ذكرى والدى رحمه الله
عطا الاسيوطى
20 - 5 - 2010
